【抗疫須知】
一、為降低您的感染機會，請在指定時間外出，指定範圍活動，指定人物交流
二、每天檢測，陰性即走
三、未知結果，不得離開
四、珍惜物資，謹慎使用
打開小得可憐嘅生活包，又係已經識背嘅抗疫須知，入面得每日三個飯盒，水得一枝，一個口罩，仲有啲消毒嘅。好彩報稱夫妻，多咗個夫妻生活包，都係避孕套同毛巾、額外衫褲、多少少嘢食咁、仲有化妝品，政府難得貼地，可能體諒妻子唔化妝，老公好難硬嘅苦處。
「又係等消息，陽性都有得醫丫，不陰不陽，你話算點。」楊立鳴對小紅大發牢騷，小紅只係溫馴咁附和。由貴州落到香港做雞，其原因與其話窮，不如話對男人嘅老點毫無主見。起初封區，政府話照常生活，大部分姊妹走咗，佢都唔怕繼續留低做生意，哪怕煲劇多過沖涼；延長隔離時間都不為所動，對於小紅而言，楊立鳴只係其中一個恩客，最多特別啲嘅係橫跨戒嚴起始日。隔離就隔離，戒嚴就戒嚴，扮夫妻？咪扮夫妻囉。最大問題係唔識聽廣東話，根本聽唔明防疫衛兵講乜，總之楊立鳴點講，就點做。何況有錢收，是的，楊立鳴嚟叫雞，又不是警察，當然要付費，最多收平啲。
楊立鳴諗嘅，就複雜得多。每日上檢測紅Van，就係抽血同深喉，無日無知嘅等候消息，其折磨不下放確診咗。病咗都有得醫，唔知有冇病先令人心癢。咁耐以嚟，佢只見過陽性同未知結果兩種結果，最接近嘅係隔離房山東嚟咗十年嘅April，有身分證就掛個陀地牌喺門口，驗出陽性嗰日一如其他人，上車後被送走，而前一日仲係好精神，至少楊立鳴偷偷地過去開餐時，唔覺得有絲毫病徵。「又一個陽性，小紅你不覺得奇怪嗎？他們好像都很健康，那小妹妹昨晚跑跑跳跳，弄得我們都睡不着覺。」「那麼，你就迫我吵起來？」「不來了，」楊立鳴輕輕推開小紅放喺佢胸膛嘅手，「我待會兒想認真看看外面。」
每日兩個鐘嘅自由外出時間，分區分時段進行，每日不同，楊立鳴每次外出見到嘅都係幾十人，加上有唔俾傾計嘅規定，佢根本唔知全個區域仲有幾多人。
「上海街113號，到你哋外出喇。」窗外傳嚟防疫衛兵嘅聲音，期待以久嘅楊立鳴馬上彈起身，拉住小紅就要外出。「又出去？有點累啊，你不來『習慣檢查』嗎？」小紅慵懶地側臥喺牀上講，一星期前嘅楊立鳴會衝上去一逞獸慾，急不及待咁插入小紅菊花，幫小紅習慣新嘅肛門檢測方法。無論咩方法都係等結果，一個星期落黎，楊立鳴只想搵出陽性嘅人到底醫成點，點樣逃出佐敦。
Search